Semeıde toǵyz qabatty úıdiń 5-qabatynan órt shyqty. Oqıǵa ornyna jetken órt sóndirýshiler 2018 jyly týǵan balany aman alyp qaldy, dep habarlaıdy Egemen.kz.
Abaı oblystyq Tótenshe jaǵdaılar departamentiniń habarlaýynsha, oqıǵa 2 qańtarda bolǵan. О́rt týraly habar 17:16-da tústi.
«О́rt Shákárim dańǵyly, 13-úı mekenjaıynda boldy. Oqıǵa ornyna jetkende toǵyz qabatty úıdiń 5-qabatyndaǵy úıdiń jeke zattary, jıhazdary, orgtehnıkasy, tereze blogy janyp jatqany belgili boldy. Qyzmetkerler qabyrǵa konstrýksııalaryn buzyp, 2018 jyly týǵan balany aman alyp qaldy. Ol oblystyq balalar aýrýhanasyna jetkizildi. Qazirgi ýaqytta onyń jaǵdaıy aýyr. Bala dárigerlerdiń baqylaýynda», dep habarlady TJD baspasóz qyzmetinen.
О́rt ornyna eki avtosısterna, bir baspaldaq jáne jeke quramnan 8 adam jumyldyryldy. Abaı aýdany Tótenshe jaǵdaılar departamenti qala turǵyndary men qonaqtaryna kúndelikti ómirde órt qaýipsizdigi erejelerin qatań saqtaýdy eske salady.