JEO-daǵy sý berý tolyǵymen qalpyna keltirildi. Bul týraly Pavlodar oblysynyń ákimi A.Baıhanov Instagram jelisinde jazdy, dep habarlaıdy Egemen.kz.
О́ńir basshysynyń aıtýynsha, búgin tańerteń sý qubyrynyń zaqymdalǵan bóligin aýystyrý bastaldy. Oǵan 46 adam (Ekibastuz «Gorvodokanal» MKK jáne Pavlodar oblysy TJ departamentiniń qyzmetkerleri), 19 birlik mamandandyrylǵan tehnıka jumyldyryldy.
«О́zderińizge belgili, búgin tańerteń jergilikti JEO-ǵa tehnıkalyq sý qubyrynyń zaqymdalǵan ýchaskesinde jumys qaıta bastaldy. 31 jeltoqsanǵa qaraǵan túni qubyrǵa ýaqytsha qysqyshtar ornatyldy. Stansııa sýsyz qalǵan joq. Alaıda ol qashanǵa deıin shydar edi? Sol kúni men qalpyna keltirilgen ýchaskeni aýystyrýǵa daıyndyqty bastaýdy buıyrdym. Tańerteńgi jumystar keshki 21:20-da aıaqtaldy. JEO-da sýmen jabdyqtaý tolyq kólemde qalpyna keltirildi», dedi Asaıyn Baıhanov.
2023 jylǵy 3 qańtarda tańǵy saǵat 6-dan bastap Ekibastuz qutqarýshylar garnızony kúshteri zaqymdanǵan aýmaqtan sýdy sordy. Saǵat 11.00-de «Gorvodakanal GKP» jáne «Injenerlik jeliler» JShS qyzmetkerleri zaqymdalǵan ýchaskeni aýystyrý jáne dıametri 500 mm tehnologııalyq sý qubyryn ajyratý boıynsha jóndeý jumystaryn bastady. О́ńir basshysy sý qubyrynyń bir bóligin aýystyrý jumystaryn sapaly júrgizip, saǵat 22:00-ge deıin aıaqtaýdy talap etti.