Kóptegen avtokólik ıeleri aýa raıy týraly eskertý habarlamalaryn elemeıdi, nátıjesinde qutqarýshylardyń kómegine júginedi. Sońǵy táýlikte Jambyl oblysynda joldardan 326 adam qutqaryldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
3 qańtar kúni saǵat 10.15-ten 4 qańtar tańǵy 5:00-ge deıin Jýaly, Sarysý jáne Qordaı aýdandarynyń órt sóndirýshi-qutqarýshylary respýblıkalyq jáne oblystyq mańyzy bar avtojoldardyń 3 ýchaskesinde 326 adamdy qutqaryp, jaqyn mańdaǵy eldi mekenderge jetkizdi, olardyń ishinde 72-si balalar.
Jambyl oblysy Tótenshe jaǵdaılar departamenti bólimsheleri qutqarýshylarynyń jedel jáne kásibı is-qımyldarynyń arqasynda qutqarylǵandardyń eshqaısysy medısınalyq kómekti qajet etpedi. Esesine, qutqarylǵan azamattardyń arasynda osyndaı qıyn jaǵdaıda der kezinde kómek kórsetkeni úshin alǵys bildirgen azamattar da boldy.
«Tótenshe jaǵdaılar departamenti azamattarǵa úıden shyǵarda kelip túsken habarlamalarǵa jiti nazar aýdaryp, ózderimen birge árdaıym jyly zattardy birge alyp júrýge shaqyramyz. TJ nemese kómek kórsetý qajet bolǵan jaǵdaıda shuǵyl túrde «112» nómirine qońyraý shalý qajettigin eske salamyz», delingen habarlamada.