Qostanaı qalasynyń yqshamaýdandarynyń birinde magıstraldyq jylý júıesinen aqaý shyqty.Jergilikti turǵyndardyń aıtýynsha, bul bir aı ishinde ekinshi ret qaıtalanyp jatqan apat, dep habarlaıdy Egemen.kz.
«Aeroport» shaǵyn aýdanyndaǵy eki myńnan astam páter jylýsyz qaldy. Magıstraldyq jylý júıesinde taǵy aqaý oryn aldy. Nátıjesinde, qaladaǵy 30 kópqabatty úı men bir jataqhanada jylý óshirildi.
Qostanaı ákimdiginiń baspasóz qyzmeti habarlaǵandaı, kópqabatty turǵyn úıler keshki saǵat 20:00-ge deıin jylýsyz qalady.
Eske salaıyq, buǵan deıin jylý júıesindegi apat 5 jeltoqsan kúni oryn alǵan, oqıǵa ornyna jumyldyrylǵan jumyskerler apatty jaǵdaıdy eki aptadan keıin jóndeýge kirisken. Nátıjesinde 30 úı, mektep, áýejaı ǵımaraty jylýsyz qaldy.
Buǵan deıin jylýmen qamtý mekemesi Gerasımov kóshesiniń boıyndaǵy uzyndyǵy 985 metr jerasty jylý magıstralin qaıta jańǵyrtýdy talap etken edi. Búginde bul jóndeý jumystary 988 mln teńgege baǵalanyp otyr.