Ústel tennısinen Qazaqstan ulttyq quramasy jekeleı synda álem chempıonatynyń Azııalyq irikteý kezeńine qatysady, dep habarlaıdy Egemen.kz.
«Katarda ótetin irikteý saıystaryna Qazaqstan sapynan Kırıll Gerasımenko, Aıdos Kenjiǵulov, Alan Qurmanǵalıev, Eskendir Harkı, Záýresh Aqasheva, Sarvınoz Mırkadırova, Anastasııa Lavrova, Aıa Álimbaeva, Angelına Romanovskaıa, sondaı-aq jattyqtyrýshylardan Elmıra Alıeva, Dmıtrıı Pereverzev, Dmıtrıı Levenko qatysady», dep habarlady Ulttyq olımpıada komıtetiniń baspasóz qyzmeti.
Týrnır 7-13 qańtar aralyǵynda ótedi. Sportshylarymyz jeke, juptyq jáne aralas jarystarda joldamany sarapqa salady.
Aıta ketsek, álem chempıonaty 20-28 mamyr aralyǵynda Ońtústik Afrıkanyń Dýrban qalasynda ótedi.