Abaı oblysy boıynsha sońǵy táýlikte adamdardy qar qursaýynan evakýasııalaý boıynsha qutqarý jumystary belsendi júrgizilip jatyr, dep habarlaıdy Egemen.kz.
«5 qańtar kúni tańerteń «112» pýltine Aıagóz qalasy aýdandyq aýrýhanasynyń bas dárigerinen Aıagóz aýdany Narynka aýyldyq okrýginiń Shynqoja aýylynan júkti áıeldi Aıagóz qalasynyń aýdandyq aýrýhanasyna jedel jetkizýdi talap etiletini týraly habarlama keldi.
Shaqyrý ornyna №13 órt sóndirý bóliminen qutqarýshylar - 1 Nıva Marsh joǵary ótimdi tehnıkasy jáne jeke quramnyń 2 adamy shyqty. Oqıǵa ornyna kelgennen keıin júkti áıelge alǵashqy medısınalyq kómek kórsetildi», delingen TJM baspasóz qyzmetiniń habarlamasynda.
Jumys barysynda qutqarýshylar qajetti bilikti kómek kórsetý úshin Aıagóz qalasynyń perzenthanasyna áıeldi jetkizdi.