«Qazaqstan halqyna» qoǵamdyq qory ótken jyldyń qańtarynda oryn alǵan oqıǵalar kezinde zardap shekken 540 adamǵa 2 mlrd 112 mln teńge kóleminde qaıyrymdylyq kómek kórsetti, dep habarlaıdy Egemen.kz.
Atap aıtqanda:
Qaza tapqan 19 áskerı qyzmetshiniń, ishki ister jáne Ulttyq qaýipsizdik organdary qyzmetkerleriniń otbasylaryna - 133 mln teńge (7 mln teńgeden); Aýyr jaraqat alǵan 111 áskerı qyzmetshige, ishki ister jáne Ulttyq qaýipsizdik organdary qyzmetkerlerine - 333 mln teńge (3 mln teńgeden); Qaza tapqan áskerı qyzmetshilerdiń, ishki ister organdary men Ulttyq qaýipsizdik organdary qyzmetkerleriniń otbasylaryndaǵy 23 kámeletke tolmaǵan balaǵa - 46 mln teńge (árbir kámeletke tolmaǵan balaǵa 2 mln teńgeden); Qańtar oqıǵalarynyń kezdeısoq qurbany bolǵan 135 azamattyń otbasylaryna - 945 mln teńge (7 mln teńgeden); Kezdeısoq qurban bolǵan qaza tapqan azamattardyń otbasylaryndaǵy 101 kámeletke tolmaǵan balaǵa - 202 mln teńge (árbir kámeletke tolmaǵan balaǵa 2 mln teńgeden); Atys qarýynan zardap shekken jáne jábirlenýshi dep tanylǵan 138 aýyr jaralanǵan kámeletke tolǵan azamattarǵa - 414 mln teńge (3 mln teńgeden); Qańtar oqıǵasy kezinde jaraqat alǵan 13 balanyń otbasylaryna - 39 mln teńge (3 mln teńgeden).Aıta ketsek, Qor saıtynda qarjylyq kómek alǵan azamattardyń tizimi jarııalandy.
Búgingi tańda Qor qańtar aıyndaǵy oqıǵalardyń kezdeısoq qurbany bolyp, qaza tapqan azamattardyń 12 otbasyna jáne atys qarýynan zardap shekken jáne jábirlenýshi dep tanylǵan 131 aýyr jaralanǵan kámeletke tolǵan azamattarǵa qaıyrymdylyq kómek kórsetýdi jalǵastyryp jatyr.