Qaırat Kelimbetov «Astana» halyqaralyq qarjy ortalyǵynyń basqarýshysy laýazymynan bosatyldy, dep habarlaıdy Egemen.kz Aqordanyń resmı saıtyna silteme jasap.
«Memleket basshysynyń Jarlyǵymen Qaırat Nematuly Kelimbetov «Astana» halyqaralyq qarjy ortalyǵynyń basqarýshysy laýazymynan bosatyldy», delingen habarlamada.
Qaırat Kelimbetov 1969 jyly Almatyda dúnıege kelgen. Lomonosov atyndaǵy MMÝ, Prezıdent janyndaǵy Memlekettik basqarýdyń ulttyq joǵary mektebin bitirgen.
Ár jyldary strategııalyq josparlaý agenttiginiń tóraǵasy, Qarjy birinshi vıse-mınıstri, Ekonomıka jáne bıýdjettik josparlaý mınıstri, «Qazyna» ornyqty damý qory» AQ Basqarma tóraǵasy, Prezıdent Ákimshiliginiń basshysy, «Samuryq-Qazyna» ulttyq ál-aýqat qorynyń basshysy qyzmetterin atqarǵan.
2015 jyldyń 24 jeltoqsanynda AHQO basqarýshysy bolyp taǵaıyndaldy.