Senatorlar Nurtóre Júsip, Baqytjan Jumaǵulov, Sultanbek Lázzat Qaltaeva Mákejanov jáne Dınar Nóketaeva Almaty qalasy ákimdiginiń qurylymdyq bólimsheleriniń basshylyǵymen kezdesti, dep habarlaıdy Egemen.kz.
Depýtattar kezdesý barysynda ındýstrııalyq jáne arnaıy ekonomıkalyq aımaqtar aýmaqtarynda júzege asyp jatqan jobalarmen tanysty. Onda sondaı-aq problemalyq máseleler men keleshegi zor damý baǵyttary da talqylandy. Kezdesýde arnaıy ekonomıkalyq jáne ındýstrııalyq aımaqtar elimizdiń qarqyndy damýynyń mańyzdy faktory ekeni erekshe atap ótildi. Mysaly, atalǵan aımaqtarda ornalasqan kásiporyndarda 6 727 adam jumyspen qamtylyp, 493,7 mlrd teńgege ónim óndirildi jáne úzdiksiz qyzmet kórsetilip keledi.
«QR Parlamenti Senatynyń Qarjy jáne bıýdjet komıteti jeltoqsan aıynda dóńgelek ústel ótkizgen edi. Onda arnaıy ekonomıkalyq aımaq qyzmetiniń problemalyq máseleleri jáne memlekettik organdar men AEA basqarýshy kompanııalarynyń, sondaı-aq bıznes-qoǵamdastyqtyń usynystary qaraldy. Barlyq problemalyq máseleler AEA-nyń ekonomıkalyq tıimdiligi jáne usynylǵan salyq jeńildikteri boıynsha kóshpeli otyrystar kezinde pysyqtaldy. О́tken dóńgelek ústeldiń nátıjeleri men qatysýshylar usynǵan materıaldardy taldaý boıynsha Qarjy jáne bıýdjet komıteti Qazaqstan Respýblıkasynyń Úkimetine birqatar usynystar jiberdi. Olar iske asqanda búkil elimiz boıynsha AEA jumysyn jaqsartýǵa kómektesetinine senimdimiz», dep atap ótti senator Sultanbek Mákejanov.
Depýtattar sapar barysynda qańtar oqıǵalarynyń qurbandaryn eske alyp, «Taǵzym» memorıalyna gúl shoqtaryn qoıdy.