Astana polıseıleri 24-qabattan sekirmek bolǵan er adamdy qutqaryp qaldy. Jelide qutqarý sátiniń vıdeosy tarady, dep habarlaıdy Egemen.kz Polisia.kz-ke silteme jasap.
Tún ortasynda elorda polıseılerine Saraıshyq kóshesiniń boıyndaǵy kópqabatty úı balkonynyń qorshaýynda er adamnyń sekirmek bolǵany týraly aqparat kelip tústi. Oqıǵa ornyna Erjan Aısa men Nursultan Egembaıdan turatyn patrýldik polısııa polkiniń jasaǵy jiberildi.
Oqıǵa ornyna jetken polıseıler balkon qorshaýynyń artynda ıilip, tómenge sekirmek bolǵan er adamdy kórdi. Tártip saqshylary jaǵdaıdy baǵamdap, ýaqytty bosqa ótkizbeı tez arada joǵary kóterildi. Olardy baıqaǵan er adam olarǵa «jaqyndamańdar» dep aıqaılaı bastady. Qalyptasqan jaǵdaıdy baǵdarlaı otyryp, polıseıler er adammen dıalog qurýǵa tyrysqan. Tártip saqshylary onyń aldanyp turǵan sátin paıdalanyp, oǵan tez júgirip baryp, artynan ustap, balkonnyń ishine tartyp kirgizgen. Sodan keıin olar er adamdy qaýipsiz jerge aparyp, stresstik jaǵdaıdy sheshýge kómektesip, tynyshtandyrǵan.Qutqarylǵan azamat Esil aýdandyq polısııa bólimine jetkizildi. 28 jastaǵy jigitti bóten áreketke ne ıtermelegeni belgili boldy.