Búgin Aqtaý mańynda janarmaı sısternasynyń jarylysynan zardap shekkenderdiń biri qaıtys boldy, dep habarlaıdy Egemen.kz.
1989 jyly týǵan er adam kúıik saldarynan aýrýhanada kóz jumdy.
«Naýqastardyń biri qaıtys boldy. 1981 jyly týǵan ekinshi naýqastyń jaǵdaıy áli de aýyr. Onyń bas-mı jaraqaty, oń aıaǵy men oń ıyǵynyń 3-dárejeli termııalyq kúıikteri bar. Dárigerler naýqastyń jaǵdaıyn jaqsartý úshin qoldan kelgenniń bárin jasap jatyr», dep habarlady aýrýhanadan.
Aıta keteıik, 8 qańtarda Aqtaý mańynda janar-jaǵarmaı tıelgen vagon sısterna jaryldy. Jarylys saldarynan zardap shekken eki adam aýrýhanaǵa jetkizildi.