«AMANAT» partııasynyń «Jastar Rýhy» jastar qanaty «Meniń elim – meniń tilim» respýblıkalyq jobasyn iske qosty, dep habarlaıdy Egemen.kz.
Joba aıasynda «Sóıle» dep atalatyn arnaıy tildesý úıirmesi bastaý alyp, 12 aımaqty qamtıtyn bolady.
- «Sóıle» - qazaq tilinde sóılegim keledi, úırenemin deýshi barsha azamattarǵa arnalǵan aqysyz túrdegi joba», - deıdi uıymdastyrýshylar.
Joba aıasynda túrli is-sharalar kesheni jáne aýyzeki sóılesý, oqý, jazý syndy baǵdarlamalar Astana, Almaty qalalary men Aqmola, Aqtóbe, Almaty, Shyǵys Qazaqstan, Batys Qazaqstan, Qaraǵandy, Qostanaı, Pavlodar, Soltústik Qazaqstan jáne Abaı oblystarynda ótedi.
«Sońǵy jyldary elimizde qazaq tiline degen qurmet artyp, erekshe statýsqa ıe bolyp keledi. Osyǵan deıin keıbir jastar, azamattar qazaqsha tek kerek jerde ǵana sóılegen bolsa, qazir kúndelikti qoldanysqa enip jatyr. Bul burynnan qazaqsha sóılenbeı keldi degen sóz emes, kerisinshe qoldanys aıasy keńeıe túskenin kórsetedi. Qazaqstanda 130-dan astam ult ókilderi turatynyn eskergen durys. Dostas ulttardyń bizdiń tilimizge qyzyǵýshylyq tanytyp, meńgeremiz deýshiler qatary da artyp keledi. Temirdi qyzǵan kezinde soq demekshi, osy tusta jastar qanaty «Sóıle» dep atalatyn jobany iske qosyp jatyr. Qazaq tilin ońaı ári tez úırengisi keletin azamattarǵa tegin taptyrmas baǵdarlama dep aıta alamyn. Sonymen qosa, Memleket basshysy Qasym-Jomart Toqaev memlekettik tilge erekshe nazar aýdaryp, mártebesin joǵarylatýdy tapsyrǵan edi. Biz de tilimizdiń dárejesin kóterýge úlesimizdi osylaısha qosýdy uıǵardyq», dedi «Jastar Rýhy» jastar qanatynyń tóraǵasy Nurjan Jetpisbaev.
«Úıirme barysynda qatysýshylar aımaqtardaǵy kovorkıng ortalyqtary men JOO qabyrǵalarynda ótetin dombyra úıirmelerine, ádebı-rýhanı keshterge, túrli chellendjderge belsendi qatysady dep josparlanyp otyr», deıdi jastar qanatynyń ókilderi.
«Sóıle» úıirmesi ótetin meken-jaılar:
Astana qalasy - «Jastar rýhy» JQ qalalyq fılıal kovorkıng ortalyǵy, Táýelsizdik d.,3. 8 776 115 72 05
Almaty qalasy - «Jastar rýhy» JQ qalalyq fılıal kovorkıng ortalyǵy, Abylaı Han k., 79. 8 708 671 20 25
Aqmola oblysy - Coworking Center, Kókshetaý q., Áýelbekov k., 117. 8 747 498 60 18
Aqtóbe oblysy - Aqtóbe qalalyq jastar resýrstyq ortalyǵynyń kovorkıng zaly, Aqtóbe q., Sátpaev k., 16 B. 8 747 124 19 99
Almaty oblysy - Qonaev qalasynyń qalalyq kitaphanasy, 1 sh.a., 28 a. 8 747 995 10 15
Shyǵys Qazaqstan oblysy - О́skemen qalasynyń ortalyq kitaphanasy, Qazaqstan kóshesi 102. 8 747 953 05 58
Batys Qazaqstan oblysy - H. Esenjanov atyndaǵy oblystyq balalar kitaphanasy «Bilim ortalyqy», N.Nazarbaev 166/2; J. Moldaǵalıev 19 , «AMANAT» ǵımaraty, 109 keńse. 8 777 479 35 90
Qaraǵandy oblysy - «Qolday» kovorkıngi, Qaraǵandy q., Álıhanov k., 4. 8 708 968 80 58
Qostanaı oblysy - Qostanaı qalasynyń oblystyq kitaphanasy, Qostanaı qalasy, Altynsarın k., 111. 8 707 630 10 97
Pavlodar oblysy - S. Toraıǵyrov atyndaǵy oblystyq ámbebap ǵylymı kitaphanasynyń so-working ortalyǵy, Pavlodar q., Sátpaev k., 104; «AMANAT» partııasy Pavlodar oblystyq fılıalynyń so-working ortalyǵy, Pavlodar q., Krıvenko k., 25A. 8 747 916 76 02
Soltústik Qazaqstan oblysy - Qalalyq jastar resýrstyq ortalyǵynyń akt zaly, Petropavl q., Nazarbaeva, 69. 8 777 335 96 05
Abaı oblysy - Abaı atyndaǵy ortalyq kitaphana kovorkıng ortalyǵy, Semeı q., Abaı k. 86. 8 707 295 77 39