Búgin ótip jatqan Úkimettiń kezekti otyrysynda Ulttyq ekonomıka mınıstri Álibek Qýantyrov 2022 jyly ekonomıkanyń ósimi 3,1%-dy quraǵanyn aıtty, dep habarlaıdy Egemen.kz.
Mınıstrdiń aıtýynsha, syrtqy jaǵymsyz faktorlarǵa qaramastan, 2022 jyldyń qorytyndysy boıynsha Qazaqstan ekonomıkasy 3,1%-dyq ósimge qol jetkizdi.
«Naqty sektordaǵy ósim 3,2%-dy, qyzmet kórsetý salasynda 2,5%-dy qurady. О́sýdiń oń qarqyny qurylys, aýyl sharýashylyǵy, aqparat jáne baılanys, saýda, kólik jáne qoımalaý, óńdeý ónerkásibi salalarynda tirkeldi», dedi Álibek Qýantyrov.
Ol taý-ken ónerkásibinde ósý qarqyny 1%-ǵa tómendegenin naqtylady. Negizgi kapıtalǵa salynǵan ınvestısııalardyń ósý qarqyny 7,8%-dy qurady.
«Ekonomıkanyń negizgi salalary boıynsha ınvestısııalar kólemi jyljymaıtyn múlikpen jasalatyn operasııalarda 15,4%-ǵa, aýyl sharýashylyǵynda 6,9%-ǵa, kólikte jáne qoımada 5,5%-ǵa, sondaı-aq ónerkásipte 5,6%-ǵa, onyń ishinde taý-ken óndirý ónerkásibinde 14,2%-ǵa ulǵaıdy», dep qosty Álibek Qýantyrov.
О́ńirlik bóliniste úzdik kórsetkishter Qyzylorda, Jetisý, Mańǵystaý jáne Almaty oblystarynda, sondaı-aq Shymkent pen Astana qalalarynda baıqalady.