Qazaqstannyń elshisi Álibek Baqaev Hofbýrg saraıynda Aýstrııa Respýblıkasynyń Federaldyq Prezıdenti Aleksandr Van der Bellenge senim gramotalaryn tapsyrdy, dep habarlaıdy Egemen.kz.
Senim gramotalaryn tapsyrý rásiminen keıin ótken kezdesý barysynda elshi Federaldyq Prezıdentke Qazaqstan Prezıdenti Qasym-Jomart Toqaevtyń jyly lebizderi men izgi tilekterin jetkizip, Qazaqstannyń Aýstrııamen ekijaqty yntymaqtastyqty odan ári nyǵaıtýǵa úlken mán beretinin habarlady.
Sondaı-aq Álibek Baqaev Memleket basshysy atynan Aleksandr Van der Bellenge 2023 jylǵy 8-9 maýsymda Qazaqstannyń elordasynda ótetin Astana halyqaralyq forýmyna shaqyrýdy tabys etti.
Qazaqstandyq dıplomat suhbattasýshyny elimizde júrgizilip jatqan saıası jáne áleýmettik-ekonomıkalyq ózgeristermen, sondaı-aq ózekti syrtqy saıasatpen tanystyrdy.
О́z kezeginde, Federaldyq Prezıdent Qazaqstan Prezıdenti Qasym-Jomart Toqaevqa jyly tilekterin joldap, Qazaqstandy Aýstrııanyń mańyzdy ári senimdi áriptesi retinde qarastyryp, Venanyń tyǵyz jáne jan-jaqty yntymaqtastyqty damytýǵa daıyn ekendigin atap ótti.
Taraptardyń ózara is-qımyldyń barlyq baǵyttary boıynsha ekijaqty baılanystardy odan ári keńeıtý men tereńdetýge ózara múddeliligi atap ótildi.
Kezdesý sońynda Aýstrııa Prezıdenti elshini qyzmetiniń resmı bastalýymen quttyqtap, ekijaqty qatynastardy odan ári nyǵaıtý isine tabys tiledi.