Búgin Almaty qalasynyń Almaly aýdany, Abaı dańǵylyndaǵy 4 qabatty turǵyn úıde órt shyqty, dep habarlaıdy Egemen.kz.
«Búgin saǵat 14.31-de Almaty qalasy TJD 101 pýltine Almaty qalasy Almaly aýdany, Abaı dańǵyly, 89 mekenjaıyndaǵy 4 qabatty turǵyn úıde órt shyqqany týraly habarlama tústi. О́rt úıdiń 1 jáne 2 qabattarynda ornalasqan 2 qabatty dámhanaǵa japsarlas salynǵan úı-jaıda, keıin 3 qabatty páterge jáne úıdiń ishinara shatyryna ótken. Alǵashqy órt sóndirý bólimsheleri shaqyrý ornyna 14.34-te (3 mınýt) bardy», delingen Almaty qalasy TJD baspasóz qyzmeti taratqan habarlamada.
О́rt saǵat 16.31-de joıylǵan. Ýaqytyly júrgizilgen evakýasııalaý is-sharalarynyń arqasynda úı turǵyndary men qonaqtary arasynda zardap shekkender joq.
О́rttiń jalpy aýdany - 310 sharshy metr. TJD kúshimen sóndirý barysynda 2 adam qutqarylyp, 60 adam evakýasııalanǵan. Qabyldanǵan sharalardyń arqasynda shatyrdyń edáýir bóligi, úıdiń ózi, kommersııalyq alańdar órtten aman qalǵan.
Evakýasııalanǵan barlyq turǵyndarǵa jylyný úshin avtobýstar berilgen. О́rttiń sebebi anyqtalyp jatyr.