Keshe Jambyl oblysynyń Jýaly aýdanyndaǵy Qolbastaý aýylynyń mańynda 2 jeńil avtokólikten 6 adam evakýasııalandy, dep habarlaıdy Egemen.kz.
«12 qańtarda saǵat 20:18-de № 7 órt sóndirý bóliminiń 3 órt sóndirýshi-qutqarýshysy qutqarý tehnıkasymen Jambyl oblysynyń Jýaly aýdanynda Qolbastaý aýylynyń mańynda 2 aqaýy bar jeńil avtokóliktiń ishinen 6 adamdy, onyń ishinde 3 balany B.Momyshuly aýylyna evakýasııalady. Evakýasııalanǵan adamdarǵa medısınalyq kómek qajet bolmady», delingen Jambyl oblysy TJD baspasóz qyzmetiniń habarlamasynda.
Eske sala keteıik, 12-13 qańtarda jel men 33 gradýsqa deıin aıaz bolatyny týraly daýyldy eskertý jarııalanǵan bolatyn.
Jambyl oblysy TJD aýa raıy boljamyn qadaǵalaýǵa, qutqarýshylardyń usynymdaryn saqtap, asa qajet bolmasa, eldi mekenderden tys jerlerge shyqpaýǵa keńes berdi. Qajet bolǵan jaǵdaıda qutqarý qyzmetiniń «112» jáne «101» nómirlerine qońyraý shalý kerek.