2023 jylǵy 14 qantarda eldiń barlyq oblystarynda, sondaı-aq Astana, Almaty jáne Shymkent qalalarynda Qazaqstan Respýblıkasy Parlamenti Senatynyń 20 depýtatynyń saılaýy ótedi, dep habarlaıdy Egemen.kz.
Parlament Senatynyń depýtattaryn janama saılaý quqyǵy negizinde jasyryn daýys berý arqyly tańdaýshylar - máslıhattardyń depýtattary bolyp tabylatyn Respýblıka azamattaryn saılaıdy.
Senat depýtattarynyń saılaýy elimizdiń barlyq óńirlerinde (astana ýaqyty boıynsha) saǵat 11.00-de bastalatyn tańdaýshylardyń birlesken otyrystarynda ótkiziledi.
Parlament Senatyndaǵy 20 orynǵa 55 kandıdat úmitker bolyp otyr.
Respýblıka boıynsha tańdaýshylar tizimine 3167 máslıhat depýtaty engizilgen.
Ortalyq saılaý komıssııasynyń ınternet-resýrsynda daýys berý kúni onlaın baqylaý servısteri jumys isteıtin bolady.