Oqıǵa kýágerleri saǵat 13:00-de polısııaǵa habarlasyp, Qaldaıaqov kóshesindegi úıdiń 15-shi qabatynda er adamnyń terezeden aıaǵyn salbyratyp, sekirýge tyrysyp jatqany týraly jetkizgen, dep habarlaıdy Egemen.kz.
Oqıǵa ornyna Astana qalasy Polısııa departamentiniń Patrýldik polısııa polkiniń jasaǵy dereý jiberilgen. Aǵa leıtenant Aıbek Dúısenov pen kapıtan Muratbek Omarbekov tez arada joǵary qabatqa kóterilip, esikterdi qaǵa bastaǵan. Jigit otyrǵan tereze ornalasqan páterdiń esigin qyz ashyp, bolyp jatqan jaǵdaı týraly polıseılerden estigen. Jaǵdaıdy uqqan tártip saqshylary páterge júgirip kirgen jáne jigittiń qozǵalǵan sátin paıdalanyp, terezeni asha salysymen ony ishke qaraı tartyp alǵan. 17 jastaǵy jigitti mundaı is-áreketke ne ıtermelegeni anyqtalyp jatyr.
Psıhologtar jigitpen profılaktıkalyq jumys júrgizip, ony zańdy ókiline tabystady.