Eńbek jáne halyqty áleýmettik qorǵaý mınıstrligi «Atameken» Ulttyq kásipkerler palatasymen birlesip, kadrlarǵa qajettilikti anyqtaý maqsatynda jumys berýshilerdi «Elektrondyq eńbek bırjasy» memlekettik aqparattyq portalynda onlaın-saýaldamadan ótýge shaqyrady.
Derekterdi jınaý 2023 jyldyń qańtar-aqpan aılarynda júrgiziledi. Saýaldama barysynda respýblıkanyń barlyq óńirlerinen ekonomıkanyń túrli salalarynda qyzmet etetin 45 myńǵa jýyq jumys berýshini qamtý josparlanýda.
Saýaldama mynadaı bloktardan turady: kadrlarǵa qajettilikti taldaý; jumyskerlerdiń bosatylýyn baǵalaý; sheteldik jumys kúshin tartý jáne Qazaqstanda dýaldy oqytý. Bul ekonomıkalyq qyzmet túrleri men kásipter boıynsha tolyqqandy joǵary deńgeıde eńbek naryǵynyń naqty qajettiligin anyqtaýǵa múmkindik beredi.
Zertteý nátıjeleri boıynsha kadrlardy daıarlaýǵa memlekettik bilim berý tapsyrysyn qalyptastyrý úshin usynymdar men usynystary bar taldamalyq esep daıyndalady.
«Egemen-aqparat»