Alǵa umtylǵannyń astyǵy bitik

Bir aıta keterligi, bıyl egistik tanap­tardyń aýqymy burynǵydan birsha­ma keńeı­­tilmek. Aýyl sharýashylyǵy qury­lym­­­darynyń basshylary aýdan ákimdik­teri­men birlese otyryp, boljamdy joba jasaýda. Bul jaıǵa sońǵy ýaqytta burynǵy kádege aspaı jatqan jerlerdi qaıtaryp alyp, el ıgiligine jaratý sebepshi bolyp otyr.

Egin oraǵy sátti aıaqtalǵan soń dıqan qa­ýym k­e­ler jyldyń qamyn oılap, qajetti tu­q­ym­­dy qam­b­alaryna quıyp alǵan. Qazir 532 myń ton­na tuqym qory bar. Sapasy da jaqsy.

– Aýyl sharýashylyǵy qurylymdary tehnıka jóndeý ústinde. Egis jumystaryna qatysatyn 14 myń traktor, kúzgi oraqqa qajetti 8,5 myń kombaın daıyndalýda, – deıdi oblystyq aýyl sharýashylyǵy jáne jer qatynastary basqarmasy basshysynyń orynbasary Erkesh Álenov, – Jyl ótken saıyn materıaldyq-tehnıkalyq baza da nyǵaıyp keledi. О́tken jyly ǵana 1 900 birlik tehnıka jańartyldy. Bul arada memleket tarapynan kórsetiletin qoldaý týraly aıta ketý kerek. Tehnıka satyp alýǵa 69 mlrd teńge qarajat bólindi. Dıqandar memlekettik baǵdarlamalardyń jáne sýbsıdııalardyń ıgiligin kórip otyr. Byltyrǵy kóktemde oblys dıqandaryna 72 myń tonna, al kúzde 83 myń tonna janar-jaǵar maı arzandatylǵan baǵamen bólindi. 

Qazir óńirdiń dıqandary mol eginniń kepili sanatyndaǵy qar toqtatý jumysyna kirisken. 734 myń gektar alqapty ıgerý kózdelse, ázirge bir izben 120 myń gektarǵa jýyq alqaptyń qary toqtatylypty. Bul jumysqa 155 qýatty tehnıka qatysty­ryldy. Qazir parǵa qaldyrylǵan alqap­tardaǵy qardyń qalyńdyǵy 10 santımetr­den asady. Al egistik egilgen alqaptardyń qary qalyńdaý, 15-16 santımetr shamasynda.  Dala eńbekkerleri úshin jaýapkershiligi mol sharýada Zerendi, Aqkól, Shortandy aýdandarynyń jumysy ónimdi.

Kókshe dalasyndaǵy dıqandardyń qyzý eńbegi qysta da bir tolastaıtyn emes. Sonyń barlyǵy el ıgiligine baǵyttalǵan ekpindi sharýa.

Aqmola oblysy