Tótenshe jaǵdaı rejımi Batts, Genrı, Djasper, Merıýezer, Spoldıng jáne Troýp eldi mekenderinde jarııalandy dep habarlaıdy Egemen.kz.
AQSh prezıdenti Djo Baıden daýyl men tornado saldarynan AQSh-tyń ońtústik-shyǵysyndaǵy Djordjııa shtatynda tótenshe jaǵdaı rejımin jarııalady. Bul týraly Aq úıdiń veb-saıtynda habarlanǵan.
«Qatty daýyl kezinde zardap shekken aýdandarda jergilikti jáne shtat deńgeıindegi qalpyna keltirý jumystaryn tolyqtyrý úshin federaldy kómek kórsetýge sheshim qabyldandy», delingen habarlamada.
AQSh prezıdentiniń buıryǵyna sáıkes, jergilikti turǵyndarǵa saqtandyrylmaǵan múliktik shyǵyndardy jabý úshin jeńildetilgen nesıeler beriledi.
Sonymen qatar jeke kásiporyndar men jeke tulǵalar da memlekettik qoldaýǵa súıene alatyny qosa habarlanǵan.
Gúlshahra SANSYZBAI