Qaraǵandyda taksı júrgizýshisin óltirip, kólikti aıdap ketken azamat 14 jylǵa bas bostandyǵynan aıyryldy, dep habarlaıdy Egemen.kz.
Qylmystyq is sotta «Adam óltirý» jáne «Kólik urlaý» degen eki bap boıynsha qaraldy. Taksı júrgizýshisin óltirý oqıǵasy 2022 jyldyń qazan aıynda boldy.
Sot tergeýi barysynda belgili bolǵandaı, jolda jol aqysyn tóleýge baılanysty týyndaǵan janjal kezinde júrgizýshi jolaýshynyń betinen buraǵyshpen urǵan. Sodan keıin jolaýshy qolyna pyshaq alyp, júrgizýshini birneshe jerden jaraqattaǵan, júrgizýshi alǵan jaraqattarynan kóz jumdy. Keıin sottalýshy kólikti aıdap ketken.
«Sottalýshynyń kinási kýágerlerdiń jaýaptarymen, saraptama qorytyndysymen jáne qylmystyq istiń basqa da materıaldarymen dáleldendi. Prokýror ony taǵylǵan eki bap boıynsha da kináli dep tanyp, 14 jylǵa bas bostandyǵynan aıyrýdy surady. Jábirlenýshi tarap sottalýshyny ómir boıyna bas bostandyǵynan aıyrý jazasyna kesip, 20 mıllıon teńge moraldyq zııandy óteý týraly talap qoıǵan», dep habarlady sottyń baspasóz qyzmetinen.
Sottalýshynyń qorǵaýshysy sottalýshynyń áreketin Qazaqstan Respýblıkasy Qylmystyq kodeksiniń 106-babynyń 1-bóligi «Densaýlyqqa qasaqana aýyr zııan keltirý» boıynsha saralaýdy jáne avtokólikti aıdap áketý faktisi boıynsha eń tómengi jaza taǵaıyndaýdy surady.
Sot barlyq dáleldemelerdi, aıǵaqtardy jáne saraptama nátıjelerin zerttep, sottalýshyny 14 jylǵa bas bostandyǵynan aıyrdy.
«Onyń áreketinde qylmystyń qaýipti qaıtalanýy anyqtaldy, óıtkeni ol buryn qylmystyq jaýapkershilikke tartylǵan. Sondaı-aq sottalǵan azamattan jábirlenýshi taraptyń paıdasyna moraldyq zııandy óteý retinde 10 mıllıon teńge óndirildi», dedi sot.