Ulttyq statıstıka bıýrosy usynǵan derekterge qaraǵanda, 2022 jyldyń qańtar-jeltoqsan aılarynda turǵyn úıdiń jalpy aýmaǵyn paıdalanýǵa berý 8,8%-ǵa azaıǵan, dep habarlaıdy Egemen.kz.
Máselen, ótken jyly turǵyn úılerdiń jalpy sanynan:
Jalpy aýdany 8 843,9 myń m2 bolatyn 1540 kóppáterli úı paıdalanýǵa berildi, bul 2021 jylǵa qaraı 91,5%-dy qurady; Jalpy aýdany 6 499,8 myń m2 36 365 jeke turǵyn úı paıdalanýǵa berildi, bul 2021 jylǵa qaraı 92,6%-dy qurady.Bul rette, 2022 jyly turǵyn úıdiń jalpy alańynyń sharshy metrin salýǵa jumsalǵan ortasha naqty shyǵyndar 12,2%-ǵa ósti.
Respýblıkanyń 14 óńirinde turǵyn úıdi paıdalanýǵa berýdiń ulǵaıýy baıqaldy. О́sý qarqyny boıynsha Pavlodar oblysy (32,1%-ǵa), odan keıin Shyǵys Qazaqstan oblysy (15,4%-ǵa) jáne Jetisý oblysy (8,8%-ǵa) kósh bastap tur.
Sonymen qatar, Ulytaý (29,6%-ǵa), Mańǵystaý (15,1%-ǵa), Soltústik Qazaqstan (13,1%-ǵa) jáne Atyraý (7,8%-ǵa) oblystarynda, sondaı-aq Astana (24,7%-ǵa) jáne Almaty (34,6%-ǵa) qalalarynda turǵyn úı paıdalanýǵa berildi.