2023 jyldyń 18 qańtarynda Respublica ókili partııanyń tirkeý qujattaryn aldy. Bul týraly Respublica partııasynyń tóraǵasy Aıdarbek Qojanazarov málimdedi, dep habarlaıdy Egemen.kz.
Bul týraly ol óziniń Facebook paraqshasynda jazdy.
«Budan bylaı biz – elimizdiń jańa, resmı tirkelgen saıası kúshimiz! Men partııanyń teń tóraǵalary Syrymbek Taý, Rýslan Berdenov, Maksım Baryshev, Dınara Shókıjanova, Qýanysh Shonbaı, Beıbit Álibekov jáne Nurlan Qoıanbaevty elimizdi jaqsy jaqqa ózgertý jolyndaǵy alǵashqy jeńisimen quttyqtaımyn», dedi Aıdarbek Qojanazarov.
Sondaı-aq ol búginnen bastap Respublica quryltaıshylary, kóshbasshylary men músheleri partııanyń qyzmetin elimizdiń ár óńirinde tolyq kólemde resmı túrde óristete alatynyn atap ótti.
Respublica partııasynyń alǵashqy quryltaı sezi 2022 jyldyń 7 jeltoqsanynda ótti.
Eske sala ketsek, 19 jeltoqsanda Májilis aıasynda Ádilet mınıstri Qanat Mýsın Qazaqstanda taǵy bir partııa – Respublica resmı tirkelgenin aıtty. Alaıda keıinirek Ádilet mınıstrliginiń baspasóz qyzmeti Respublica partııasy áli tirkeýden ótpegenin málimdedi.