Fılıppındegi sý tasqyny saldarynan 33 adam qaıtys bolyp, taǵy 7 adam habar-osharsyz ketti, dep habarlaıdy Egemen.kz TASS-qa silteme jasap.
Tabıǵı apattardy joıý jónindegi ulttyq keńestiń beısenbi kúni taratqan esebine sáıkes, respýblıkanyń 14 aımaǵynda 1,67 mıllıonnan astam adam qolaısyz aýa raıyna baılanysty zardap shekken. Buǵan deıin tabıǵı apattan 30-ǵa jýyq adam qaıtys bolǵany habarlanǵan edi.
Vedomstvonyń málimetinshe, 266,3 myń adam 512 evakýasııalyq pýnktke ornalastyrylǵan. Keminde 14,3 myń adam úılerin aldyn ala tastap ketse, taǵy 12 azamat túrli dene jaraqattaryn alǵan. Respýblıkanyń 14 aımaǵynda sý tasqyny men kóshkinderdi qosa alǵanda 1,1 myńnan astam oqıǵa tirkeldi.
606 qala men 148 mýnısıpalıtette oqý oryndaryndaǵy sabaqtar men kásiporyndardaǵy jumys ýaqytsha toqtatyldy. 59 eldi mekende tótenshe jaǵdaı rejımi engizildi. Úkimet zardap shekken azamattarǵa kómek kórsetý maqsatynda bıýdjetten 86,8 mıllıon peso (1,58 mıllıon dollar) bóldi.