Bıyl Almaty ákimdigi kópdeńgeıli avtoturaqtar salý baǵdarlamasyn júzege asyra bastaıdy. Bul týraly qala ákimi Erbolat Dosaev Alataý aýdanynyń turǵyndarymen kezdesý barysynda aıtty, dep habarlaıdy Egemen.kz.
Atalǵan máseleni aýdan turǵyndarynyń biri kóterdi. Onyń aıtýynsha, qaladaǵy bazarlar mańynda avtoturaqtardyń jetispeýshiligi yńǵaısyzdyq týdyrady.
Almaty ákimi bul saýalǵa jaýap bere otyryp, qala boıynsha kópdeńgeıli avtoturaqtar salynatynyn atap ótti.
«Biz qala boıynsha kópdeńgeıli avtoturaqtardy ashamyz. Parkıngten túsetin kirister jergilikti bıýdjetke túsedi. Bıyl baǵdarlamany bastaımyz, oryn izdeý júrip jatyr», dedi Erbolat Dosaev.