Oblys ákimi Darhan Satybaldy apparattyq keńeste jańa orynbasaryn tanystyrdy. Nuralhan Kósherov bul qyzmetke Arman Sabıtovtyń ornyna keldi, ol basqa jumysqa aýysýyna baılanysty qyzmetinen bosatyldy.
Nuralhan Kósherov 1984 jyly Shymkent qalasynda dúnıege kelgen. Joǵary bilimi bar. M.Áýezov atyndaǵy Ońtústik-Qazaqstan Memlekettik ýnıversıteti, Qazaq Gýmanıtarlyq zań ýnıversıteti, Máskeýdegi Reseı Federasııasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasy» joǵary bilim beretin memlekettik bıýdjettik bilim berý mekemesin támamdaǵan. Mamandyqtary – ekonomıst, qarjy jáne nesıe, quqyqtaný.
Eńbek jolyn 2008 jyly QR Parlamenti Májilisi depýtatynyń kómekshisi bolyp bastaǵan. 2009-2011 jyldary Qarjy mınıstrliginiń Salyq komıtetinde taldaýshy, Astana qalasy Salyq departamentiniń Almaly aýdany boıynsha salyq basqarmasynyń zańdy tulǵalardyń salyq aýdıti bóliminiń bas mamany bolyp jumys istegen. 2010-2014 jyldar aralyǵynda Astana qalasynyń Salyq departamenti Esil aýdanynyń salyq basqarmasy bastyǵynyń orynbasary qyzmetin atqardy.
2014 jyldan 2015 jylǵa deıin Astana qalasy Esil aýdany boıynsha Memlekettik kirister basqarmasynyń bastyǵy, Qarjy mınıstrligi Salyq komıtetiniń Astana qalasy boıynsha Salyq departamenti basshysynyń orynbasary boldy.
2015-2018 jyldary Shymkent qalasy ákiminiń orynbasary qyzmetin atqarǵan.
2018-2021 jyldary QR Qarjy mınıstrliginiń Memlekettik kirister komıteti Mańǵystaý oblysy boıynsha Memlekettik kirister departamentiniń Aqtaý qalasy boıynsha Memlekettik kirister basqarmasynyń basshysy, QR Qarjy mınıstriginiń Memlekettik kirister komıteti Shymkent qalasy boıynsha Memlekettik kirister departamentiniń basshysy laýyzymyn atqarǵan.
2021 jyldan beri Qazaqstan Respýblıkasy Qarjy mınıstrliginiń Memlekettik kirister komıteti Atyraý oblysy boıynsha Memlekettik kirister departamentiniń basshysy qyzmetin atqaryp keldi.