Ortalyq saılaý komıssııasynda ótken jıyn barysynda Májilis pen máslıhat depýtattarynyń kezekten tys saılaýyna qatysa alatyn partııalar ataldy, dep habarlaıdy Egemen.kz.
«Qazirgi ýaqytta Qazaqstanda 7 saıası partııa tirkelgen. Olar: «Qazaqstannyń Halyq partııasy» (2002 jyly sáýir aıynda tirkelgen); «Aýyl» halyqtyq-demokratııalyq patrıottyq partııasy – (2000 jyly naýryzda); «Jalpyulttyq sosıal-demokratııalyq partııasy» (2007 jyly qańtarda), «AMANAT» partııasy (1999 jyly aqpanda), «Aq jol» Qazaqstannyń demokratııalyq partııasy (1999 jyly aqpanda), «Baıtaq» Qazaqstandyq jasyldar partııasy (2022 jyly qarashada), «Respýblıka» partııasy 2023 jyly qańtar aıynda tirkelgen. Barlyq atalǵan saıası partııalardyń jarlyqtarynda partııa Májilis, máslıhat depýtattyǵyna kandıdattar usynýǵa quqyly ekeni kórsetilgen», dep túsindirdi Ádilet vıse-mınıstri Alma Muqanova.
Aıta ketsek, saıası partııalar partııalyq tizimderge saıası partııanyń múshesi emes adamdardy usyna almaıdy. Bul rette, partııalyq tizimge engizilgen adam birmandattyq aýmaqtyq saılaý okrýgteri boıynsha da usynyla almaıdy.
«Partııalyq tizimder boıynsha saıası partııalar osy shaqyrylymda mandattar sanynyń 50% mólsherinde oblystardyń, respýblıkalyq mańyzy bar qalalardyń jáne astana máslıhattarynyń depýtattyǵyna kandıdattardyń partııalyq tizimin usyna alady. Ol úshin Saılaý zańynyń 103-babynyń 4-tarmaǵyna sáıkes, saıası partııanyń tıisti fılıalynyń joǵary basshylyǵynyń sheshimi azamattyń partııalyq tizimge enýine kelisim berý týraly ótinishimen birge beriledi», Dep naqtylady Alma Muqanova.