22 qańtarda saǵat 05:40-ta Zaısan aýdanynda, Qaratal aýylynan 25 shaqyrym jerde eki kólik qar qursaýynda qalyp qoıdy, olarda 7 adam bolǵan, dep habarlaıdy Egemen.kz.
Jolaýshylarǵa jol talǵamaıtyn tehnıkamen kómekke kelgen 25-О́SB qutqarýshylary Daıyr aýylyna 4 adam, Zaısan qalasyna 3 adamdy aman-esen jetkizdi.
Bul rette ShQO TJD azamattarǵa qaýipsizdik sharalary týraly eske salady.
«Eger kólik qysqy jolǵa jabdyqtalmaǵan bolsa qarańǵy túskende jolǵa shyqpańyz. Eger shyǵý qajet bolsa, tamaq, ystyq sýsyndar men jyly kıimderdi, qýattalǵan uıaly telefondy alyp júrýdi umytpańyz. Avtokólik aýa-raıyna sáıkes jabdyqtalýy kerek. Bul tek qysqy rezeńkeni ǵana emes, sonymen qatar júksalǵyshta kúrek, kabel, fonar, alǵashqy kómek jınaǵyn alyp júrýdi bildiredi. Tótenshe jaǵdaı kezinde 112 nómiri boıynsha habarlańyz», delingen oblystyq TJD habarlamasynda.