Qyzylordada kadrlyq ózgeristerge baılanysty ótken aktıv otyrysynda mádenıet jáne sport basqarmasynyń jańa basshysy tanystyryldy.
Jıynda oblys ákimi Nurlybek Nálibaev 2022 jyldyń sáýir aıynan bastap Qyzylorda oblysynyń mádenıet jáne sport basqarmasynyń basshysy qyzmetin atqaryp kelgen Rýslan Rústemovti Qazaqstan Respýblıkasy Parlamenti Senatynyń depýtaty bolyp saılanýymen quttyqtap, Syr jurtshylyǵy atynan oblystyń Qurmet gramotasyn tapsyrdy.
Qazaqstan Respýblıkasy Memlekettik qyzmet isteri agenttigi jáne Qazaqstan Respýblıkasy Mádenıet jáne sport mınıstrliginiń kelisimderi boıynsha oblys ákiminiń ókimimen Qyzylorda oblysynyń mádenıet jáne sport basqarmasynyń basshysy laýazymyna Qazbekova Mıra Jomartqyzy taǵaıyndaldy.
Oblys ákimi N.Nálibaev basqarmanyń jańa basshysyn tanystyryp, Syr eliniń mádenıeti men sportynda budan da joǵary nátıjeler men kórsetkishterge qol jetkizetinine senim bildirdi.
Mıra Qazbekova 1984 jyly týǵan. Qorqyt ata atyndaǵy Qyzylorda memlekettik ýnıversıtetin «Qazaq tili men ádebıeti», «Ekonomıka», «Bolashaq» ýnıversıtetin «Zańtaný» mamandyqtary boıynsha bitirgen.
Eńbek jolyn 2005 jyly Memlekettik qyzmetshilerdi jáne bıýdjettik sala qyzmetkerlerin qaıta daıarlaý jáne olardyń biliktiligin arttyrý óńirlik ortalyǵynyń baspasóz klýbynyń mamany retinde bastaǵan.
2006-2011 jyldary Qyzylorda qalasy jáne Qyzylorda oblysy ákimi apparattarynda túrli deńgeıde jaýapty qyzmetterde bolǵan.
2011-2017 jyldary Qyzylorda oblysynyń mádenıet, muraǵattar jáne qujattama basqarmasy basshysynyń orynbasary qyzmetin atqardy.
2017-2019 jyldary Qyzylorda qalalyq mádenıet jáne tilderdi damytý bóliminiń basshysy boldy.
2019-2020 jyldary Qyzylorda qalasy ákimi apparatynyń basshysy jáne Qyzylorda qalasy ákiminiń orynbasary laýazymyndarynda abyroıly eńbek etti.
2020 jyldyń mamyr aıynan bastap osy kezge deıin Qyzylorda oblysynyń qoǵamdyq damý basqarmasynyń basshysy qyzmetin atqaryp keldi.