Brazılııa men Argentına ortaq valıýtany damytýǵa múddeli. Bul týraly Brazılııa prezıdenti Lýıs Inasıo Lýla da Sılva men Argentına basshysy Alberto Fernandes málimdedi, dep habarlaıdy Egemen.kz.
Reuters agenttiginiń habarlaýynsha, eki eldiń kóshbasshylary bul qadamdy aıyrbastaǵy kedergilerdi eńserý, sondaı-aq erejelerdi jeńildetý jáne modernızasııalaý dep túsindirdi.
«Sondaı-aq biz tranzaksııalyq shyǵyndardy azaıta otyryp, qarjylyq jáne kommersııalyq aǵyndar úshin paıdalanylýy múmkin ortaq Ońtústik Amerıka valıýtasy boıynsha talqylaýlardy alǵa jyljytýdy sheshtik», delingen eki el prezıdentiniń málimdemesinde.
Ortaq valıýta ıdeıasy alǵash ret ótken jyly Brazılııanyń qazirgi qarjy mınıstri jáne onyń jaýapty hatshysy Fernando Haddad pen Gabrıel Galıpolo jazǵan maqalasynda kóterildi.
Lýla Brazılııanyń aımaqtaǵy eń iri saýda seriktesine alǵash ret barý dástúri boıynsha qyzmetke kiriskennen keıingi alǵashqy halyqaralyq sapary úshin Argentınany tańdady.
Eki prezıdent aımaqtyq ıntegrasııany nyǵaıtý úshin Argentına men Brazılııa arasyndaǵy jaqsy qarym-qatynas qajet ekenin atap ótti.
Kóshbasshylar sonymen qatar Argentına, Brazılııa, Paragvaı jáne Ýrýgvaı kiretin Merkosýr saýda blogyn nyǵaıtýdyń mańyzdylyǵyn atap ótti. Jaqynda Brazılııanyń Qarjy mınıstri Haddad sońǵy jyldary bul bloktan bas tartqanyna ókingenin bildirdi.
Eki el osy aptada ortaq valıýta qurýǵa daıyndyq jumystary bastalǵanyn resmı túrde jarııalady.