Bul jańashyldyq elimizdegi turǵyn úı-kommýnaldyq reformany jetildirý jónindegi sharalar paketinde qamtylǵan, dep habarlaıdy Egemen.kz IIDM baspasóz qyzmetine silteme jasap.
Elimizde kóppáterli turǵyn úı qoryn basqarýdyń jańa tásiline kóshirýge baılanysty jumys josparly túrde jalǵasyp keledi. Osy jyly (20-shy qańtardaǵy jaǵdaıǵa sáıkes) basqarýdyń tyń tetigine 45 148 kóppáterli turǵyn úı (97,1%) kóshirildi. Demek qazir respýblıkanyń 3 óńirinde 1 366 (2,9%) kóppáterli turǵyn úıdi joǵaryda atalǵan basqarýdyń formasyna kóshirý ǵana qaldy.
Osy basqarýdyń jańa túrlerin engizýge arnalǵan reformany jetildirý maqsatynda taıaýda túzetýler paketi ázirlenip, soǵan sáıkes jınalysty ótkizýdiń keıbir fýnksııalaryn berý arqyly Turǵyn úı keńesiniń ókilettikterin kúsheıtý, qarjylyq máseleler boıynsha sheshimder qabyldaý kezinde jınalys kvorýmyn azaıtý (jalpy jınalystyń 2/3-ten 51%-ǵa deıin) jáne jazbasha saýalnama merzimin eki aıǵa deıin uzartý qarastyrylady.
Budan basqa kóppáterli turǵyn úılerdi basqarý túrleri boıynsha gradasııalaýdy engizý usynylyp otyr. Atap aıtqanda, tikeleı birlesken basqarý (TBB) - 16 páterge deıin, qarapaıym seriktestik (QS) – 30 páterge deıin jáne múlik ıeleriniń birlestigi (MIB) – 30-dan artyq páterge deıin.
Qazir «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyǵy máseleleri boıynsha ózgerister men tolyqtyrýlar engizý týraly» zań jobasy Parlament Senatynda qaralyp jatqanyn aıta keteıik.