QR Syrtqy ister mınıstrliginiń resmı ókili Italııada qaıtys bolǵan 27 jastaǵy Salerno ýnıversıtetiniń doktorantýra stýdenti Ásem Jarbosynnyń denesi aptanyń sońyna deıin Qazaqstanǵa jetkiziletinin habarlady, dep jazady Egemen.kz.
Aıbek Smadııarov Syrtqy ister mınıstrligi shetelde qıyn jaǵdaıǵa tap bolǵan azamattarymyzǵa kómek kórsetý úshin qarajat qarastyrǵanyn aıtty.
Onyń aıtýynsha, fors-major nemese kútpegen jaǵdaılar bolǵan jaǵdaıda barlyq shyǵyndardy memleket tóleıdi.
«О́tken aptada qaıǵyly oqıǵa boldy. Bizdiń azamatsha jol-kólik oqıǵasy saldarynan qaıtys boldy. Ásem Jarbosynnyń týystary bizge ótinish bildirip, marqumnyń denesin elge jetkizýdi surady. Qazir buǵan qarajat bólinip jatyr. Qujattar jaqyn arada resimdeledi, meniń oıymsha, marqumnyń denesi aptanyń sońyna deıin Qazaqstanǵa jetkiziledi», dedi Aıbek Smadııarov.
Eske sala ketsek, 17 qańtarda Italııada Salerno ýnıversıtetiniń doktorantýrasynda oqyǵan 27 jastaǵy stýdent Ásem Jarbosyn jol-kólik oqıǵasy saldarynan qaıtys boldy. Qyzdy Verdı teatrynyń janynda 20 jastaǵy Peugeot 308 júrgizýshisi qaǵyp ketken.