Qurmetti saılaýshylar!
2023 jyly 19 naýryz Qazaqstan Respýblıkasy Parlamenti Májilisi men máslıhattary depýtattarynyń saılaýy ótedi.
Saılaýǵa qatysýǵa konstıtýsııalyq quqyqty iske asyrýdyń kepili Sizdiń saılaýshylar tizimine engizilýińiz bolyp tabylady.
Tizimderdi daýys berýge arnalǵan naqty ýchaskeniń aýmaǵynda turǵylyqty jeri boıynsha turaqty tirkeý negizinde jergilikti atqarýshy organdar (ákimdikter) jasaıdy. Turaqty tirkeýi joq azamattar tizimderge olardyń ornalasqan jeri boıynsha ákimdikterge bergen ótinishiniń negizinde engiziledi.
Daýys berý kúni óziniń tirkelgen jeri boıynsha saılaý ýchaskesine kele almaıtyn árbir azamat daýys berý kúnine otyz kún qalǵanda, ıaǵnı 2023 jyly 17 aqpannan keshiktirmeı tıisti ákimdikke ótinish berip, óziniń naqty ornalasqan jeri boıynsha saılaý ýchaskesinde tirkelýge quqyly.
О́tinish túsken kezde ákimdik azamatty tirkelgen jeri boıynsha saılaýshylar tiziminen shyǵarýdy jáne ony daýys beretin ýchaskeniń tizimine engizýdi uıymdastyrady.
Osy quqyqty:
- daýys berý kúni tirkelgen jeri boıynsha bolmaıtynyn biletin azamattar;
- basqa qaladan kelgen, arnaýly joǵary jáne orta oqý oryndarynda oqıtyn, jataqhanalardan tys turatyn stýdentter;
- vahtalyq ádispen jumys isteıtin azamattar paıdalana alady.
Azamat, birtutas jalpyulttyq saılaý okrýgin, sonymen qatar birmandattyq aýmaqtyq saılaý okrýgterin eskere otyryp, saılaýshylardyń bir ǵana tizimine engizile alady.
Saılaýshylar tizimine tirkelgen jerińiz boıynsha engizilgenińizdi tıisti ákimdiktiń saıty nemese Call-ortalyǵy arqyly tekserýge bolady.
2023 jyly 4 naýryzdan bastap Sizge óz ýchaskeńizdegi saılaýshylar tizimindegi derekterińizdi tekserý múmkindigi beriletin bolady.
Qurmetti saılaýshylar!
Sizderdi quqyqtyq saýattylyq tanytyp, ózińizdiń saılaýǵa qatysýǵa konstıtýsııalyq quqyǵyńyzdy iske asyrýǵa shaqyramyz!
О́zińizdi saılaýshylar tizimine engizýge qajetti zańdyq mańyzy bar áreketterdi ýaqtyly qabyldańyz!
ÁRKIMNIŃ DAÝYSY MAŃYZDY!