Iran Jýrnalıster kásipodaǵy qaýymdastyǵy Tegeranda Melıka Hashımı, Saıda Shefııa jáne Mehrnýsh Zarııa esimdi úsh jýrnalıst ustalǵanyn habarlady, dep jazady Egemen.kz.
Qaýymdastyqtyń málimetinshe, BAQ qyzmetkerleri el astanasyndaǵy Evın túrmesine jetkizilgen. Saıda Shefııaǵa «qazirgi rejimge qarsy úgit-nasıhat júrgizdi» jáne «ulttyq qaýipsizdikke qater tóndirdi» degen aıyptar taǵyldy. Taǵy eki jýrnalıstke qandaı aıyp taǵylǵany ázirge belgisiz.
Quqyq qorǵaýshylardyń málimetinshe, 2022 jyldyń qyrkúıegindegi narazylyqtar bastalǵannan beri Islam Respýblıkasynda 79 jýrnalıst qamaýǵa alynǵan.