Qujatta kásipkerlikti damytýdyń negizgi ındıkatorlary, «Atameken» UKP qyzmetiniń qorytyndysy jáne bıznestiń máselelerin sheshý jónindegi sharalar qamtylǵan, dep habarlaıdy Egemen.kz Aqordaǵa silteme jasap.
Baıandamaǵa sáıkes, 2021 jyldyń qorytyndysy boıynsha shaǵyn jáne orta kásipkerliktiń (ShOK) úlesi 33,5 paıyzdy qurady. Bul kórsetkishtiń negizgi bóligi shaǵyn kásipkerlik sýbektilerine tıesili. Olardyń JIО́-degi úlesi – 26,8 paıyz.
2015 jyldan 2020 jylǵa deıin eldiń JIО́-degi shaǵyn jáne orta kásipkerliktiń úlesi 24,9 paıyzdan 32,8 paıyzǵa deıin artty. Kásipkerlikti damytý jónindegi ulttyq jobany iske asyrý aıaqtalǵannan keıin JIО́-degi ShOK úlesi 2025 jylǵa qaraı 35 paıyzǵa deıin ósýge tıis.
Qazirgi ýaqytta jumys istep turǵan shaǵyn jáne orta kásipkerlik sýbektileriniń sany 1,4 mıllıonǵa (ósim 5,5%) jetti. Olar 3,5 mıllıon adamdy jumyspen qamtyp otyr (ósim 1,1%).
2021 jyly shaǵyn jáne orta kásipkerlik sýbektilerindegi eńbek ónimdiligi 20 paıyzǵa ósip, bir adamǵa shaqqanda 8 mıllıon teńgege jetti.
Aımaq boıynsha 2021 jyly shaǵyn jáne orta kásipkerliktiń jalpy óńirlik ónimdegi eń kóp úlesi Astana (JО́О́-niń 59%), Almaty (47,5%) jáne Shymkent (40,5%) qalalarynda baıqaldy.
Memlekettik qoldaý sharalarynyń nátıjesinde byltyrǵy 1 qazandaǵy málimet boıynsha 5200 jańa kásiporyn ashyldy. Shaǵyn jáne orta kásipkerlik sýbektileri úshin 47,7 myń qujat ázirlenip, daıyndaldy. Quny 119,6 mıllıard teńge bolatyn 48,5 myń jobaǵa qoldaý kórsetildi. 16,9 myń kásipkerdiń bıznesi keńeıtildi.
Kásipkerlik qyzmet salasyna jańa retteýshi saıasatty engizý aıasynda «Atameken» palatasy men Úkimet jańa retteýshi saıasattyń negizgi sharttaryna saı kelmeıtin 9560 talapty anyqtady.
«Basynan bastap retteý» reformasy bıznestiń júktemesin orta eseppen 30 paıyzǵa azaıtýǵa jáne ońtaıly ári túsinikti retteýshi orta qalyptastyrýǵa múmkindik beredi.
Kásipkerlik qyzmettiń damýyna usaq jáne shaǵyn bıznes sýbektilerin tekserýge jarııalanǵan moratorıı oń yqpal etetini aıtylǵan. Atalǵan shara osy jyldyń sońyna deıin uzartylǵan.
Prezıdenttiń tapsyrmasyna sáıkes kásipkerlerdi negizsiz tekserýlerden qorǵaý jáne bıznesti qylmystyq proseske zańsyz tartýdy boldyrmaý úshin keshendi sharalar qabyldandy. Bas prokýratýra 2023 jylǵa arnalǵan bıznesti qorǵaý jónindegi birlesken is-qımyldardyń keshendi josparyn bekitti.
2022 jyly «Atameken» ulttyq kásipkerler palatasy qyzmetin transformasııalaý isi qolǵa alyndy. Palata óz jumysynda usaq jáne shaǵyn bıznesti qoldaýǵa basa mán beredi.