Sessııa jumysynan keıin oı bólisti

Keshe  «Rixos President Astana» qonaqúıinde EKSPO-2017 Komıssary – Syrtqy ister mınıstriniń birinshi orynbasary Rápil Joshybaev pen «Astana EKSPO-2017» UK» AQ basqarma tóraǵasy Talǵat Ermegııaevtiń Halyqaralyq kórmeler bıýrosy (HKB) Bas Assambleıasynyń 155-sessııasynyń qory­tyn­dysy boıynsha birlesken baspasóz máslıhaty bolyp ótti. Baspasóz máslıhatynda sóz alǵan «EKSPO-2017» Komıs­sary – Syrtqy ister mınıs­triniń birinshi orynbasa­ry Rápil Joshybaev shetel­dik qatysýshylarmen kelissóz­der bastalǵanyn jáne ınvestısııa­lyq áriptestikter ornatylyp jat­qanyn jetkizdi. «Kórme ótkizý­diń halyqaralyq talapta­ry boıynsha, Týdy almaıynsha EKSPO kórmesiniń keshenderin salýǵa bizdiń quqymyz joq bolatyn. Biraq klımattyq jaǵdaılardy eskere kele, HKB bizge sáýir aıynan-aq qurylysty bastaı berýge kelisim berdi», – dedi «Astana EKSPO-2017» UK» AQ basqarma tóraǵasy Talǵat Ermegııaev brıfıngte. Ol sondaı-aq, kórmege daı­yndyq jumystarynyń kes­te merziminen eshbir keshikpeı jú­r­gi­zilip kele jatqandyǵyn, qu­ry­lys qarqynynyń kúnnen-kúnge artý ústinde ekenin tilge tıek etti. Buǵan deıin habarla­ǵa­ny­myzdaı, Fransııa astanasy Parıj qalasynda maýsymnyń 11-i kúni Halyqaralyq kórmeler bıý­rosy Bas Assambleıasynyń 155-i sessııasy ótip, onda Qazaq­stan HKB týyn qabyldap al­ǵan bolatyn. 12 maýsym kúni Ult­tyq kompanııa basshysy T.Er­megııaev Býrabaıdaǵy sheteldik ın­ves­torlar keńesi otyrysy aıasyn­da Elbasy Nursultan Nazar­baevqa baıraqty saltanatty jaǵdaıda tabys etti. Aıta keteıik, Halyqaralyq kórmeler bıýrosy (HKB) 1931 jyly kórmelerdi uıymdastyrý men ótkizý jumystaryn retteý maqsatynda qurylǵan. Onyń shtab-páteri Parıj qalasynda ornalasqan. Qazirgi tańda álemniń 168 memleketi Kórmeler bıýrosyna múshe bolyp tabylady. Astana EKSPO-2017 halyq­aralyq mamandandyrylǵan kórmesi 3 aıǵa – 2017 jylǵy 10 maý­symnan 10 qyrkúıekke deıin so­zyl­maq. Kórmege 100-den asa mem­leket, 10-nan asa halyq­aralyq bedeldi uıymdar men ınnovasııalyq tehnologııalar salasyndaǵy kóshbasshy kompanııalar qatysady dep kútilýde. Baspasóz máslıhaty barysynda brıfıng ótkizýshiler jýrnalısterdiń suraqtaryna jan-jaqty jaýap berdi. «Egemen-aqparat».