Qazaqstandaǵy JOO túlekteriniń jumys izdeý ýaqyty ortasha eseppen 97 kúndi qurady. Mundaı derekpen «Atameken» Ulttyq kásipkerler palatasynyń basqarýshy dırektory Azamat Beısenbenov bólisti, dep habarlaıdy Egemen.kz.
Onyń aıtýynsha, túlekterdiń 1 paıyzdan azy oqý ornyn bitirgennen keıingi alǵashqy aıda jumysqa ornalassa, 39 paıyzy oqý ornyn bitirgennen keıingi alǵashqy úsh aıda jumysqa ornalasady. Al 58 paıyzy 3 aıdan 6 aıǵa deıin, 2 paıyzy 6 aıdan astam jumys izdeıdi. Birinshi jartyjyldyqta túlekterdiń 98 paıyzy jumysqa ornalasady.
«Sonymen qatar biz túlekter ózderi oqyǵan mamandyqtary boıynsha jumysqa ornalasa ma, joq pa, soǵan taldaý júrgizdik. Medısına salasynda túlekterimizdiń 68,9 paıyzy óz mamandyǵy boıynsha jumysqa ornalasady. Pedagogıkalyq baǵytta shamamen 60 paıyzy óz mamandyǵy boıynsha jumys isteıdi. Bul aıtarlyqtaı jaqsy kórsetkish. Eń tómengi kórsetkish qurylys salasynda – 30,6% jáne asa tómen kórsetkish aýyl sharýashylyǵy salasynda – 19,4%», dep qosty spıker OKQ-da ótken baspasóz máslıhaty barysynda.
Buǵan deıin habarlanǵandaı, 2021 jyly JOO-ny bitirgen 81,4 myń túlektiń 79 paıyzy oqý ornyn bitirgennen keıingi birinshi jyly jumysqa ornalasqan. Ortasha jalaqy - 155 myń 621 teńge.