Búginde BAQ, ásirese telearnalar reıtıngtiń básekesine túsip, ekrandaǵy jáne baspasóz betindegi pozıtıv pen negatıvtiń ara salmaǵyn buzyp aldy. О́kinishke qaraı, qazir jańadan salynǵan balabaqsha men jańa berilgen mektep týraly aqparattyń qaralymy az dep eseptelinedi.
Bul sózdiń jany da bar. Adamdar jaqsylyqty kórýden qalyp barady. Eger osylaı kete beretin bolsaq, elimiz týraly qalyptasyp alǵan teris túsinikti odan saıyn úńgip, tereńdete beremiz. Ras, elde óte kúrdeli, eleýli problemalar bar. Biraq bázbireýler jazyp júrgendeı, Qazaqstan dál sonshalyqty sorly el emes. Eldiń áleýeti álsiz emes. Sondyqtan halyqtyń saǵyn syndyra bermeý kerek. Oqyrmandy túńilte berýdiń qajeti joq. Onyń aıaǵy jaqsylyqqa aparmaıdy.
Halyqtyń eńsesin kóteretin, jasalyp jatqan jaqsy isterdi de, úlken problemalardy da úmitti úzdirmeıtin, senimdi kúsheıtetin máselelerge de nazar aýdarylsa deımin. Jáne bul dál osy aılarda óte mańyzdy. О́ıtkeni saılaý qarsańynda partııalar ózderiniń baǵdarlamalaryn usynady. Tizimge engen kandıdattar eldimekenderdi aralap, nasıhat jumystaryn júrgizedi. Olardyń barlyǵynda derlik nazar eldegi kemshilikterge aýdarylady. О́ıtkeni kim kemshilikti kóbirek aıtsa, kim problemany kóbirek kóterse, solardyń sózi ótimdi bolatynyn bári biledi.
Saýytbek ABDRAHMANOV,
Qazaqstannyń eńbek sińirgen qaıratkeri