Qýanysh Qudaıbergenov pen Dáýletjan Hasanov «QazMunaıGaz» UK» AQ basqarma tóraǵasynyń orynbasary bolyp taǵaıyndaldy, dep habarlaıdy Egemen.kz «Samuryq-Qazyna» qorynyń Telegram arnasyna silteme jasap.
Qýanysh Qudaıbergenov «QazMunaıGaz» UK» AQ basqarma tóraǵasynyń orynbasary bolyp taǵaıyndaldy. Ol iri munaı-gaz jobalarynyń baǵytyn qadaǵalaıtyn bolady
Osy jyldar ishinde «Integra» jabyq aksıonerlik qoǵamynda burǵylaýshy ınjeneri, «QazMunaıTeńiz» TMK» AQ tehnıkalyq mamany, Iri kásiporyndardy damytý departamentiniń menedjeri bolyp jumys istedi.
2017-2021 jyldary Munaı ónerkásibin damytý departamentiniń dırektory, Qazaqstan Respýblıkasy Energetıka mınıstrligi;
2021 jyldyń maýsymynan 2023 jyldyń qańtaryna deıin «Qarashyǵanaq Petroleým Opereıtıng B.V.» bas dırektorynyń orynbasary bolyp qyzmet atqarǵan.
Basqarma tóraǵasynyń iri munaı-gaz jobalary jónindegi orynbasary Murat Muńbaev 2022 jyly jeltoqsanda óz erkimen qyzmetinen ketken edi.
Dáýletjan Hasanov operasııalyq aktıvterdegi munaı men gazdy barlaý jáne óndirý baǵytyna, olardyń tıimdiligin arttyrýǵa jáne odan ári damytýǵa, sondaı-aq QMG resýrstyq bazasyn keńeıtýge jáne ken oryndaryn utymdy ıgerýge jetekshilik etetin bolady.
D. Hasanov ár jyldary «Qarajanbasmunaı» AQ prezıdenti, «О́zenmunaıgaz» AQ Bas dırektory, «QazMunaıGaz» UK AQ adam resýrstaryn basqarý jónindegi basqarýshy dırektory, «Mańǵystaýmunaıgaz» AQ Bas dırektory qyzmetterin atqardy.
Basqarma tóraǵasynyń barlaý jáne óndirý jónindegi orynbasary Qurmanǵazy Esqazıev Aqtaýdaǵy QMG ókildiginiń dırektory laýazymyna aýysýyna baılanysty óz qyzmetinen ketti.
QMG basshysy Maǵzum Myrzaǵalıev Q.Esqazıevke jemisti jáne sapaly jumysy úshin alǵys aıtyp, jańa qyzmetine tabys tiledi