Shabýyl saldary qasiretke toly

Somalı qarýly jasaqtary Kenııanyń Mpeketonı qalasyna shabýyl jasady. Shabýyl saldarynan kem degende 48 adam qaza tapqan. Bul týraly Halyqaralyq Qyzyl Krest komıtetine silteme jasaı otyryp, «Frans-Press» agenttigi habarlady. Lańkester, sondaı-aq, úsh qonaq úı men bir janarmaı quıý stansasyn órtep jibergen. Keıbir derekterge qaraǵanda, qarýly jasaq jergilikti polısııa ýchaskesine de shabýyl jasaǵan. Jalpy, Kenııada lańkestik áreketter jıi bola bastady. Buǵan sebep – 2011 jyldyń aıaǵynda osy eldiń armııasy Somalıge kirgen bolatyn. Ondaǵy maqsat «Ál-Kaıdanyń» Somalı bólimshesi bolyp tabylatyn «Ash-Shabab» tobymen kúres edi. Aq úı Iranmen yntymaqtasa ma? Irakta jaǵdaıdyń ýshyǵyp ketýine baılanysty Vashıngton atalǵan eldegi óz elshiligin qorǵaý úshin 275 áskerı qyzmetshi attandyrdy. Baǵdat qalasyndaǵy sońǵy oqıǵalar Aq úı basshylyǵyn osyndaı qadamǵa barýǵa májbúrlep otyr. Vashıngton, sonymen qatar, Iraktaǵy jaǵdaıdy turaqtandyrý úshin Tehranmen yntymaqtastyqqa barýǵa da daıyn ekenin bildirip qoıdy. Bul týraly AQSh Memlekettik departamentiniń ókili Djennıfer Psakı habarlady. Onyń sózine qaraǵanda, Vashıngton men Tehran Irak úkimetiniń saıasatyna qaı jaǵynan yqpal etý kerektigin talqylap jatqan kórinedi. Qalaı degende de AQSh pen Iran, saıası kózqarastary qarama-qaıshy ekenine qaramastan, Iraktaǵy qarýly jasaqtardyń belsendiligin tejeýge múddeli bolyp otyr. Eki úmitkerdiń de dámesi zor Syrtqy ister eks-mınıstri Abdýlla Abdýlla men burynǵy qarjy mınıstri Ashraf Ǵanı qatysqan Aýǵanstandaǵy prezıdenttik saılaýdyń ekinshi kezeńinen keıin básekeles eki jaq ta naq ózderiniń kandıdatýralary jeńiske jetkenine senimdi ekendikterin bildirdi. «Reıter» agenttigi atap ótkendeı, baıqaýshylar men basqa da resmı adamdar eki úmitkerdiń óz basymdyqtaryn báske qoıyp, saılaý adal ótpedi dep silteme jasaýy saılaý qorytyndysyn tanymaýǵa alyp kelýi yqtımal. Saılaý komıssııasyna 274 shaǵym túskeni de belgili bolyp otyr. BUU Bas hatshysy Pan Gı Mýn eki úmitkerdi de saılaý úderisin qurmetteýge shaqyrdy. Al saılaýdyń naqty qorytyndysy osy aıdyń sońynda jarııa etiletin bolady.

Qysqa qaıyryp aıtqanda:

Eýroodaq Ýkraına astanasyndaǵy Reseı elshiligine shabýyldy jazǵyrǵan turǵyda pikir bildirdi. EO-nyń ókili Maııa Kosıanchıch Kıev basshylyǵyn dıplomatııalyq ókildikterdiń qaýipsizdigin qamtamasyz etýge shaqyrdy. «Biz Kıevtegi Reseı elshiligine shabýyldy aıyptaımyz», delingen onyń málimdemesinde. Kolýmbııadaǵy prezıdenttik saılaýdyń ekinshi kezeńinde is basyndaǵy prezıdent Hýan Manýel Santos jeńiske jetti. Saılaý bıýlletenderiniń 99 paıyzy tekserilgennen keıingi málimet boıynsha ol el halqynyń 50,89 paıyz daýysyn alǵan. Onyń qarsylasy, «Demokratııalyq ortalyq» partııasynan úmitker Oskar Ivan Sýlýaga 45,06 paıyz daýys jınaǵan. Pákistan áskerı-áýe kúshteriniń joıǵysh ushaqtary eldiń soltústik-batysynda qarýly jasaqtardyń shepterine soqqy jasady. 150 lańkes qaza tapqan, dep habarlady «Frans-Press» agenttigi Pákistan kúsh qurylymdaryna silteme jasaı otyryp. Ushaqtardyń nysanasy «О́zbekstannyń ıslam qozǵalysy» tobynyń qarýly jasaqtary bolǵan. Islam búlikshileri Iraktyń soltústik-batysyndaǵy Tall-Afar qalasyn basyp aldy. Bul týraly «Reıter» agenttigi habarlady. Shabýyldaǵan «Iraktyń ıslam memleketi men Levanta» arabtyń súnnıt tobynyń qarýly jasaqtary eken. Bul elde osy aıdyń basynan beri tynyshtyq ketip tur. Qazirgi tańda Irak bıligi eldiń soltústik-batysynda jaǵdaıdy baqylaýynan shyǵaryp alyp otyr. 1700 soldatty ajal qushtyrǵan «Iraktyń ıslam memleketi men Levanta» uıymynyń qarýly jasaqtary Iraktyń tutqynǵa túsken 1700 jaýyngerin ajal qushtyrǵan. Bul týraly «Assosheıted Press» agenttigi habarlady. О́z áreketterin aıǵaqtaý úshin ıslamshylar óz saıttarynyń birine jazalaý sátterin ornalastyrypty. О́ltirilgender Iraktyń soltústik-batysyndaǵy urys kezinde tutqynǵa túsken soldat-shııtter eken. Tolyqqandy shabýyldar barysynda ekstremıster Mosýl, Tıkrıt, sondaı-aq, Salah-ed-Dın men Kırkýk provınsııalaryndaǵy keıbir eldi mekenderdi basyp alýǵa qol jetkizgen kórinedi. Qazirgi tańda olar Baǵdatqa qaraı baǵyt alyp bara jatsa kerek. Urys qımyldary Samarra qalasy mańynda júrip jatqanǵa uqsaıdy. Irak astanasyn qorǵaý úshin Baǵdatqa 2000 ıran áskerıi jetkizilipti. Bılik basynda jańa premer-mınıstr Fınlıandııanyń EO isteri jónindegi jáne syrtqy saý­da mınıstri Aleksandr Stýbb el premer-mınıstriniń oryntaǵyna otyratyn boldy. «Reıter» agenttigi habarlaǵandaı, Stýbb, sondaı-aq, bıleýshi koalısııaǵa kiretin Fınlıandııa ulttyq koalısııasy partııasyna da jetekshilik etedi. Mundaı sheshim bıleýshi partııanyń sezinde daýys berýdiń ekinshi kezeńiniń qorytyndysy boıynsha qabyldanǵan. 46 jastaǵy Stýbbqa delegattardyń shamamen 60 paıyzy óz daýystaryn bergen. Saıasatker úkimet basshysy laýazymyna bir aı ishinde keletin bolady. Oǵan deıin is basyndaǵy premer Iýrkı Kataınen oryntaǵyn bosatýy tıis. Stýbb sońǵy úsh jyl boıy joǵarydaǵy qyzmetti atqarsa, onyń aldyndaǵy úsh jyl bederinde Fınlıandııanyń syrtqy ister mınıstri bolǵan. Qytaıda qylmyskerge jaza aýyr Qytaı astanasy – Beıjiń qalasyndaǵy ataqty Tıananmen alańynda ótken jyldyń qazan aıynda lańkestik jasalǵany áli de umytyla qoımasa kerek. Sol kezdegi lańkestikke qatysqan úsh adam ólim jazasyna kesilgen. Bul týraly Qytaı televızııasyna silteme jasaı otyryp, «Reıter» agenttigi habarlady. Budan bólek, taǵy bir adam ómir baqı túrmede otyrý jazasyna kesilse, lańkestikke qatysy bar degen kelesi 4 adamǵa 5 jyl men 20 jylǵa deıingi aralyqta túrmede otyrý týraly úkim shyǵarylǵan. Esterińizge sala ketsek, 2013 jyldyń 28 qazanynda avtomobıl atalǵan alańda bir top adamǵa baryp soǵylǵan bolatyn. Artynsha kólik otqa oranǵan edi. Jol-kólik oqıǵasy saldarynan 5 adam opat bolsa, 40 adam túrli dene jaraqatyn alǵan edi. Qytaı bıligi oqıǵany jankeshti lańkester jasady dep belgilegen-tin.

Internet materıaldary negizinde ázirlendi.