Qyrǵyzstan premer-mınıstri Aqylbek Japarov Almatyda ótken Digital Almaty sıfrlyq forýmynda zamanaýı kompıýterlik tehnologııalardyń artyqshylyqtaryna toqtalyp, onyń ishinde eń mańyzdysy retinde eki salany – krıptovalıýta men jasandy ıntellekt týraly aıtty, dep jazady Egemen.kz.
«Bıznes mektepterinde úmitkerler ChatGPT onlaın suhbattan ótip, jumysqa ornalasady. 10 jyl buryn qııal-ǵajaıyp bolǵan qubylystar búginde shyndyqqa aınaldy», dedi A.Japarov.
Ol sondaı-aq Alısa nemese Sırı sııaqty jasandy ıntellekt qyzmetterinde qazaq jáne qyrǵyz tilderiniń joqtyǵyna nazar aýdardy.
«Sıfrlyq álemge enbeıtin tilder - jazýǵa túspegen tilderdiń taǵdyryna tap bolady», dep atap ótti Qyrǵyz Respýblıkasy Úkimetiniń basshysy.