Medısınalyq-sanıtarlyq alǵashqy kómek kórsetetin mekemeni akkredıtteýden ótkizý – halyqqa kórsetiletin medısınalyq kómek sapasyn arttyrýdaǵy mańyzdy qadam.
Emhanaǵa kelýshi árbir adam medısına salasyndaǵy qyzmetkerdiń durys qabyldaýyn qashanda qajetsinedi ári oǵan qoıylatyn etıkalyq talap barynsha sáıkes bolýy kerek. Bul týraly únemi aıtylyp, jazylyp keledi. О́z kezeginde sala mamany tıisti bilimimen qatar qarym-qatynastyń jaqsy daǵdylaryn meńgergen, azamattarǵa shynaıy kómektesýdi jan-tánimen qalaıtyn jan bolýy da jón.
Qostanaı qalalyq «№4 emhana» MKK-niń negizi jańa mekeme retinde 2011 jylǵy naýryz aıynda qalandy. Alǵashqy deńgeıdegi uıymdardyń qyzmetin retteıtin Densaýlyq saqtaý mınıstrliginiń baǵdarlamalyq qujaty arqaýynda akkredıtteý uıymdary qalyptasa bastady. Bul úrdis bizdiń mekemeniń qyzmetine oń yqpalyn tıgizdi.
Sonyń nátıjesinde standarttardyń saqtalýy ǵana emes, mamandardyń bilim-biliginiń jetildirilýi de basty nazarǵa alyndy. Daıyndyqtyń alǵashqy deńgeıinde arnaıy jumys toby qajetti standart túrin zerttep zerdeleıdi. Osy oraıda, biz Densaýlyq saqtaýdy damytý respýblıkalyq ortalyǵynyń aqparattyq materıaldaryn paıdalana otyryp, basqa mekemelerdiń de tájirıbesin jiti qarastyrdyq. Uıymdaǵy ár qyzmetkerdiń pikiri tyńdalyp, atqarylatyn jumys túgeldeı naqty tájirıbege negizdeldi. Sonymen birge, ujymnyń ár múshesine akkredıtteýdiń mán-mańyzy túsindirildi.
Daıyndyq barysynda 246 standartty operasııalyq úrdis qurylyp, komıssııalar jumysy (máselen, etıkalyq) damı bastady. Qyzmet barysynda oryn alǵan keleńsizdikterdi boldyrmaý maqsatynda etıkalyq komıssııa pármendi shara qoldanady. Sóıtip, standartty operasııalyq úrdis uıymdastyrýshylyq jumystardyń jaqsarýyna septigin tıgizdi. Mekemede psıhologııalyq kómek kórsetý isi jandandyryldy. Sáıkesinshe jeńildetý bólmeleri ashyldy. Munda qyzmetkerler psıholog mamandarmen pikirlesip, kezdesip qalatyn qıyndyqtarymen bólisti. Tıimdi qoldaý arqasynda jaǵdaılary aıtarlyqtaı jaqsaryp, qyzmetterine tyń kúshpen kiristi.
Bizdiń emhana kórsetiletin qyzmet sapasynyń kóptiń kóńilinen shyǵýyn únemi nazarda ustaıdy. Sondyqtan 2013 jyly akýsherlik is, gınekologııa jáne pedıatrııa baǵyttaryna mamandanǵan eki birdeı sarapshy jumysqa alyndy.
Daıyndyq barysynda pasıentterdiń quqy jónindegi stendter, densaýlyq saqtaý salasyndaǵy normatıvtik qujattar boıynsha aqparattyq paraqshalar jasaldy. Qazirgi tańda Qostanaı oblysyndaǵy eń iri medısınalyq-sanıtarlyq alǵashqy kómek kórsetetin mekeme retinde bizdiń emhanada 71 myńnan astam azamat tirkelgen. Munda olarǵa jan-jaqty kómek kórsetiledi.
Al joǵaryda atalǵan daıyndyq jumystary kóbinese jumystan tys ýaqytta júrgizildi. Eńbegimiz janyp akkredıtteý komıssııasynyń joǵary baǵasyna qol jetkizdik. Buǵan uıymshyldyǵymyz da yqpal etti. Ortaq isti birlesip atqarý mereıimizdi ósirip, yntymaǵy jarasqan ujymǵa aınaldyrdy. Jańa standartty operasııalyq úrdister qurylyp, alǵa qoıǵan josparlar oıdaǵydaı oryndaldy. Byltyr mekemege «2013 jyldyń salalyq topbastaýshy» ulttyq sertıfıkaty tabystaldy. Bul marapat mamandarymyzdy qanattandyryp, aldaǵy kezde de talaı beleske bastaıtyny sózsiz. Iá, iske degen jańasha kózqaras jalǵasa bermek.
Margarıta BISENOVA,
Qostanaı qalalyq
«№4 emhana» MKK bas dárigeri.