Avtonesıe baǵdarlamasy jalǵasady

О́tinim berýshi áýeli telefon nómirin engizedi, sodan keıin avtoóndirýshini tań­daı­dy jáne ESQ arqyly qol qoıady. О́ti­nim­niń tirkelý faktisin «Jeke kabınet» arqyly qadaǵalaı alady. О́tinim bergen soń avtoóndirýshini ózgertý múmkin emes. Eger azamat osyǵan deıin jeńildetilgen baǵdarlama aıasynda nesıe alǵan bolsa nemese platformada ózekti ótinimi bolsa, onda ótinim qabyldanbaıdy.

«Jeńildetilgen avtonesıeleý baǵdar­lamasy boıynsha ótinimderdi qabyl­daý platformasy ótinim berýshiler men avto­ón­dirýshilerge, sondaı-aq baǵdar­la­maǵa qatysýshy bankterge ótinimniń mártebesin ótinim berilgen sátten bastap avtomobıl berilgenge deıin onlaın nusqada qa­da­ǵa­laýǵa, sondaı-aq baǵdarlamany iske asy­­rýdyń ashyqtyǵyn qamtamasyz etýge múm­­kindik beredi», delingen «О́nerkásipti da­mytý qory» AQ-nyń habarlamasynda.

О́tinish qabyldanǵannan keıin klıent avtosalonǵa baryp, sonda bar avto­mobıldi tańdaıdy nemese aldaǵy 60 kúnde keletin kó­likti kútedi. Eki aıdan ar­tyq kútýge múm­kin­dik joq, óıt­keni ótinish rastalǵan sát­ten bastap jeńil­dik­pen kólik satyp alýǵa 60 kún ǵana ýaqyt beriledi.

Tizimge ený – avtonesıe aldyń degen sóz emes. Klıent dılerden mashına tańdap, tólem shotyn alǵannan keıin baǵdarlamaǵa qatysyp jatqan bankterdiń birine habarlasyp, tólem qabiletin tek­sertedi. Bank nesıeni maquldasa satyp alýshyǵa kepilhat beredi, ony avtosalonǵa aparǵan soń ǵana jumys aıaqtaıdy.

Jeńildetilgen avtonesıe baǵdarlama­sy­nyń sharttary burynǵydaı qala beredi: 1 avtomobıldiń quny 15 mln teńgeden aspaıdy; qarjylandyrý somasy 10 mln teń­geden artyq emes; qarjylandyrý mer­zi­mi 7 jyldan aspaıdy; bastapqy jarna 0 paıyzdan bastap; kredıt berý valıýtasy – teńge; syıaqy mólsherlemesi – jyldyq 4 paıyz. Bul rette jyldyq tıimdi syıaqy mól­sherlemesi túpkilikti qaryz alýshynyń avto­kólikti saqtandyrý jáne rásimdeý (onyń ishinde kepilge qoıý) boıynsha shy­ǵyn­­daryn eskere otyryp, jyldyq 7,5 pa­ıyz­dan aspaýǵa tıis.

Túpkilikti qaryz alýshylar saqtan­dy­rý jáne otandyq óndiristiń jeńil avto­kóligin kepilge resimdeý boıynsha shyǵys­tardy tóleıdi. Baǵdarlamaǵa «Saryar­ka­Avto­Prom» JShS jáne «Hyundai Trans Kazakhstan» JShS avtoóndirýshileri qa­ty­sady. Kólikterdi Forte Bank, Eurasian Bank, Halyk Bank jáne «Bank Sentr­Kre­dıt» – ekinshi deńgeıli bankteri arqyly rásimdeýge bolady.

Jeńildetilgen avtonesıe baǵdar­la­masy byltyr mamyr aıynda bastalyp, bul maqsatta 100 mlrd teńge bólindi jáne oǵan 12,6 myńnan asa avtomobıl satyp alyndy. Avtonesıeniń ortasha mólsheri 7,8 mln teńge boldy. Qazirge deıin ótelgen nesıe kólemi – 7,6 mlrd teńge. Osy derekterdi eske­re otyryp, qanatqaqty platformanyń alǵash­qy iske qosylý barysynda 761 óti­nish berýshige deıin tirkele alady. О́ti­nish berýshilerdiń osy sanyna jetken kezde platformada ótinimderdi qabyldaý avtomatty túrde toqtatylady.

Atap óteıik, jeńildetilgen avtonesıe baǵ­darlamasy aıasyndaǵy osyǵan de­ıin jasalǵan kezek kúshin joıady jáne 6 aqpan kúni www.autonesie.kz. saıtynda tańǵy 10:00-den bastap jańa ótinim­der qa­byldanady. Odan ári qaraı avtonesıege bólingen qaıtarymdy qarajat jınaq­tal­ǵan jaǵdaıda ótinim qabyldaý ár aıdyń birinshi jartysynda júrgizilip otyrady.

Qatysýshy bankterdiń ólshemshart­ta­ry­na sáıkes keletin, oń nesıelik tarıhy bar Qazaqstannyń kez kelgen azamaty bul baǵdarlamaǵa qatysa alady. Eń bas­tysy, basqa nesıeler boıynsha merzimi ótken bereshegi bolmaýy, qolda bar jáne bolashaq nesıeler boıynsha tólemder somasy ótinish berýshiniń resmı tabysynyń jartysynan aspaýy kerek. Sondaı-aq tabysyn rastaý úshin keıingi 6 aıda úzdiksiz aýdarymdardyń bolýy da mańyzdy.