Keshe Rıdderdegi JEO-da taǵy bir jańa jabdyq isten shyǵyp, turǵyndar jylýsyz qaldy, dep habarlaıdy Egemen.kz.
Anyqtalǵandaı, óńirde sý berý temperatýrasy 53 gradýsqa deıin tómendep ketken. Rıdder ákimi Dmıtrıı Gorkovoı oqıǵaǵa qatysty túsinikteme berdi.
«5 aqpanda konveıer taspasynyń ekinshi kótergish barabanynyń qozǵaltqyshy isten shyqty. Jóndeý jumystary aıaqtaldy. Kómir býnkerlerin toltyrý bastaldy. Temperatýra rejımi úsh saǵat ishinde qalpyna keltiriledi. Jóndeý jumystary kezinde temperatýralyq rejımdi qalpyna keltirý úshin № 1 qazandyq agregaty qosymsha qyzdyryldy», dep jazdy qala ákimi Instagram-daǵy resmı paraqshasynda.