Indonezııa astanasy Djakartada ótken jarysta el namysyn 15 sportshy qorǵady, dep habarlaıdy Egemen.kz.
Otandyq sportshylar 11 medal (3 altyn, 5 kúmis, 3 qola) jeńip aldy. Jalpy álemdik dodaǵa 32 elden 350 sportshy qatysty.
Chempıondyq ataqqa Nıkıta Chırıýkın men Arına Altýhova jáne quramynda Aleksandra Le, Elızaveta Bezrýkova, Anastasııa Grıgoreva óner kórsetken áıelder quramasy ıe boldy.
Aıta keteıik, Indonezııadaǵy Álem kýbogi reıtıngtik jarys bolǵandyqtan, onyń qorytyndysy boıynsha upaılar úlestirilip, komandalar ISSF kestesinde kóteriledi. Demek 2024 jylǵy Parıj Olımpıadasynyń lısenzııalaryn ıelenýge múmkindik beriledi.