Túrkııada jańa jer silkinisi tirkeldi, dep habarlaıdy Egemen.kz Eýropa-Jerorta teńizi seısmologııalyq ortalyǵynyń saıtyna silteme jasap.
Málimetterge sáıkes, Túrkııanyń ortalyq bóliginde magnıtýdasy 5,3 bolatyn jer silkinisi boldy. Jerasty dúmpýleri Astana ýaqyty boıynsha 09.13-te tirkeldi. Jer silkinisiniń oshaǵy Gelbashy aýdanynan bes shaqyrym jerde ornalasqan.
Eske salaıyq, dúısenbi, 6 aqpanda Túrkııanyń ońtústik-shyǵysynda jer silkinisi bolyp, Sırııanyń birneshe provınsııasy da zardap shekken. Eń kúshti jer silkinisiniń magnıtýdasy 7-den joǵary boldy. Tabıǵı apattardyń saldarynan Túrkııada kóptegen ǵımarattar qırady.
Túrkııa eldiń ońtústik-shyǵysynda bolǵan joıqyn jer silkinisi saldarynan qaza tapqandar úshin jeti kúndik jalpyulttyq aza tutý kúnin jarııalady. Eldegi jáne kórshiles Sırııadaǵy jer silkinisinen zardap shekkenderdiń sany 4 myńnan asty.