Polısııa Taldyqorǵan qalasynda qarýmen júrgen er adamdy anyqtaǵanyn habarlady, dep jazady Egemen.kz IIM baspasóz qyzmetine silteme jasap.
Anyqtalǵandaı, ol bala kezinen psıhıkalyq aýrýmen aýyratyn, resmı túrde arnaıy medısınalyq esepte turǵan 35 jastaǵy jergilikti turǵyn bolyp shyqty.
Er adam qart ákesimen birge turady. Onyń qolyndaǵy tapansha eshqandaı qaýip tóndirmeıtin qarapaıym sývenırlik ottyq bolyp shyqqan.
«Turǵylyqty jeri boıynsha ýchaskelik polısııa ınspektory jedel járdem brıgadasyn shaqyryp, er adamdy qalalyq psıhıatrııalyq dıspanserge ornalastyrdy», dep jazylǵan habarlamada.