Keshe saǵat 12:45-te Aqtóbe oblysy Qarǵaly aýdany, Petropavl aýylynda, Gagarın kóshesindegi jeke turǵyn úıde gaz ballony jaryldy, dep habarlaıdy Egemen.kz.
Aqtóbe oblysy TJD málimetinshe, oqıǵa ornyna 2 qutqarýshy men 1 birlik tehnıka jiberilgen. Anyqtalǵandaı, jeke turǵyn úıde 5 lıtrlik gaz ballonynyń, gaz-aýa qospasynyń jarylýy saldarynan úıdiń qabyrǵalary búlinip, órt shyqqan.
Úı ıeleriniń kórshileri órtti qutqarýshylar jetkenshe óz kúshterimen sóndirip úlgergen.
Jarylys toltyrylǵan gaz ballondy salqyn jerden jyly jerge kirgizý kezinde gaz aýa qospasynyń kóbeıýi saldarynan bolǵan. Zardap shekken 1952 jyly týǵan er adam jáne 1928 jyly týǵan áıel adam oblystyq kópsalaly aýrýhanaǵa jetkizildi.