Keshe 18 aqmolalyq qutqarýshy Túrkııadaǵy jer silkinisiniń saldaryn joıýǵa attandy, dep habarlaıdy Egemen.kz.
Aqmola oblysy TJD baspasóz qyzmetiniń málimetinshe, qutqarýshylar barlyq qajetti quraldarmen jáne kerek-jaraqtarmen jabdyqtalǵan. О́ńir TJD bastyǵy atap ótkendeı, basty mindet – úıindiler astynda zardap shekkenderdi izdeý jáne basqa da avarııalyq-qutqarý jumystaryn júrgizý.
«Sizderdi baýyrlas halyqqa barynsha kómek kórsetýge attandyramyz. Qaýipsizdik erejelerin qatań saqtaýdy suraımyn. Eń bastysy ózderińizge saq bolyńyzdar. Aq jol, saparlaryńyz oń bolsyn jáne aman-esen oralyńyzdar», dedi Aqmola oblysy TJD bastyǵy Nurlan Atyǵaev.